Një debat i fortë ka shpërthyer mes Gertës dhe Rozanës në dhomën e grimit, ku në një moment situata u tensionua aq shumë sa ndërhyri edhe Valbona me tone të larta.

Përplasja vazhdoi edhe në zonën e dushit, ku Rozana ndoqi Gertën nga pas, duke shkëmbyer akuza të ndërsjella. Në kulmin e debatit, Gerta i tha Rozanës “Merri ilaçet”, ndërsa kjo e fundit u përgjigj se ato i merr për shkak të shtatzënisë.

Situata arriti kulmin kur Gerta e spërkati Rozanën me ujë në fytyrë, duke e lagur plotësisht. Rozana i kërkoi asaj të fshinte fytyrën me një peshqir, por Gerta e injoroi dhe vazhdoi dushin.

Pas kësaj, Rozana u pa e përlotur, duke lënë të kuptohet se debati e kishte prekur emocionalisht. Ndërkohë, ajo paralajmëroi Gertën se mund të përballet me një penalizim të rëndë, duke i thënë: “Kësaj here do të dalësh me zarf të zi.”